呢幾日真係超級累啊~~~~~

不過幾開心...見返d老友...

下次返hk，我一定會找你地！！！

 

尋日見到cola...佢生虱呀...

冇法啦，朋友係農場住，

呢d野少不免...

佢快d落去比我朋友同佢沖涼就好啦...

COLA終於食返野，又飲返水...

我成個人都安樂晒...

我送佢走時，佢係咁望住我果刻，

我真係好擔心佢會太唔開心...

個朋友仲同我講：「你估佢真係傻架，

佢地有靈性架，知道你唔要佢」...=.=

 

今日我同阿媽提起叫佢唔好黎送機時，

阿媽突然眼濕濕...感覺好難受啊...

如果可以，我唔想嫁去咁遠...

唉...越近婚期，感覺越矛盾...

婚嫁，都係揀d係同一個地方生活既人好d...

今天我送走了我的貓。

嗚呀呀呀呀呀~~~~~~>.<

cola陪左我3年啦...

仲耐過阿fay陪我...

由上一次失戀...好彩cola係度陪我...

等我晚上可以好好咁訓覺...

我寂寞的時候都係佢陪我一起過...

好掛住它啊...

我會記住，我一入屋就會見到它衝去門口，對住我咪咪叫...

我會記住，我玩緊電腦的時候，佢坐係我mouse旁，同埋企係個mon前...

我會記住，我訓訓下覺，佢會爬窗上去我張床度，陪我一起訓...

我會記住，佢同我玩既時候，訓係地下，肚仔向天，一邊用腳踢，一邊用手抱住獵物，係咁咬既樣子...

我會記住，佢好鍾意係我d棉被度拉尿...

我會記住佢的一切...

希望佢會得到幸福...>.<

 

=.=返左大陸咁耐...

都唔知中文簡體版的windows可以裝中文台灣的速成輸入法..........-口-""""""笨！

我4月20日會回香港了，感謝各位朋友的關心，

有時間的話一定會去探下你地。

阿飛說他跟媽媽會在4月30日回來，

我安排了時間表，發現沒有太多的空餘時間...

可能我要自己跟大家見面了。

 

很多朋友都能來我的婚禮，

非常感謝！哈哈~擺酒是不會擺的了

希望你們有時間來吃個午飯，

記緊甚麼也不用帶的了，

來拍個照留個念吧！^^謝謝你們！

 

呢個星期我返左大陸，好悶。

但沒法啦，冇咩時間睇下我父母了，

而家隨時能睇到，最好就睇多點...

 

諗起我係學校校務處做野

雖然時間唔算係好長

但日子都算過得開心

 

開頭我都幾唔慣架，

尤其係早起身，日日六點起身，七點出門(坐巴士要早d)，

返到去好似未訓醒咁...

不過都總算做好早上要做既野。

最忙呢就係8月至12月呢段時間...

因為有annual report要做丫嘛，

同埋d數係多數係9月份收...

所以果排直頭大混亂呀，哈哈。

跟著做完個annual report就好得閒，

由1月坐到3月都冇咩野做，

話就話下學期開始，如果唔係有音樂會，

睇怕我都係返工等收工，

日日打牙交過日辰。

 

係學校識左好多好朋友，

ken, hong, 潔姐，你地幫左我好多，多謝你地。

同你地一齊做野真係好relax同enjoy。

阿成雖然有d煩，有d懶，同有d傻，

但人都算係咁啦。相處咁耐，都有d睇化...哈哈。

 

當然都識到d無賴，無謂講邊個。

 

其實我都要多謝校長請我，冇佢我邊有今日。

 

多謝咁多位，希望日後仲有機會同大家傾傾計。

 

另外，多謝阿ken為我同飛飛的婚禮作辭，感謝你。