Lovely's profile小貓子日記PhotosBlogListsMore  |  Tools Help |
|
July 29 今日去睇群群個女呢個星期冇咩特別事，
係比校監講左一輪，
仲有校長去唔到北京同病左...
今日我去睇左群群個女，
不過只係訓覺~
坐左一陣就走左啦~
我發覺心痛真係唔會好，
無論過左幾耐，
被d相關的情景、事件、物件觸及，
感覺又會再返黎，
一切都好似係昨日發生咁...
算啦...唔好諗咁多... July 23 鬧交今日一起身就同阿fay鬧交...
有時覺得我地真係好唔夾...
佢成日整到我喊...=o=
從另一方面諗丫，
其實佢個人都幾好丫，
心入面有果句講果句...
得罪左人都係冇心既...
算啦，我原諒你啦~
但你都要原諒我今日死都唔肯氹你喎~
最多我比一次機會你想點就點啦...
July 22 又一日尋晚同事的女朋友黎左...
我覺得好大殺氣...
唔知係殺同事丫，定係殺我...^^"
今日一起身，見到個鬧鐘係十點幾..=0=
跟著電腦響...以為係同事打電話比我問我有冇事...
點知一拎起個電話...原來係電話鬧鐘...
剛剛七點咋...嚇到我個人即刻醒晒~
呢幾日都相安無事..
我諗d鬼其實唔想比我見到..
不過如果真係見到...你都咪話唔驚呀.. July 20 ^^v主要係記底呢個網址~
哈哈~校長唔係度，個人即刻輕鬆晒~^^
不過我絕對唔係用返工時間去網上shopping呀，
我收左工架啦~哈哈~^^
我寫埋另一個我既日記網址上黎；
咁我既同事可能會多d野做...哈哈~
我剛剛去左買貓糧...4kg，160元...
但10kg先至係290元...唉...
我最衰唔夠力水，如果唔係買包10kg既，
返黎食成半年~哈哈~
其實4kg都係食到2-3個月~
好眼訓呀，係時候睡一睡~ July 18 好累呀統計署的工唔係幾好做...
雖然錢多，但係度坐...=.=好悶
好在我仲有數要入，如果唔係真係唔知點算
6月分的數都未入完，就黎8月啦，
8月前一定要清埋6月數，
8月就前7-8月，咁就開始準備financial statement...
已經比我的計劃遲左d架啦...
統計署的工真係比左好多小時我去清埋我d數...
冇理由只係坐係度等鎖門咁笨o者...
但係就累少少咁囉...
身邊的同事就好唔同，
悶到佢地叫救命，但又唔走得...
日日係度打日記同睇日記...=o="
(講完唔知我會唔會比人打呢...) July 16 今日~今日整薰衣草餅...見下2個星期都冇咩時間，咁咪今日整囉~
呢隻餅唔知好唔好食架呢...
 但用lavenda沖茶...飲入口好似涼茶...
一朝早入口的第一樣野居然係涼茶...=.="""
真無奈...
唔記得買貓餅...點算呢...
用著百佳果d先囉...=.=
百佳果d垃圾只可以食1日咁多...
咁聽日食7-11的垃圾囉...
Rozen Madien原來仲有下集...
仲以為佢爛尾...幾好睇啊~
今天仲睇埋nana14-15~
死章司...死幸子...不過我既感覺冇想像中咁討厭佢地...
可能因為已經過去左...
所以，阿fay你大概可以放心，
我心入面得你一個，
唔洗擔心我比人搶走...^^ July 14 給fay好懷念唔洗返工既日子...
 可以日日陪你傾計傾到好夜~
哈哈~Fay，你呢？會唔會有少少懷念？
會唔會好好好好好......掛住我呢？
你估我地幾十年之後，仲會唔會記得我地究竟係邊個拖邊個先既呢？
你會唔會同d小朋友講話：係mammy追daddy咁抹黑我呢？
哈哈~我諗你會~  |
|
|
