Lovely 的个人资料小貓子日記照片日志列表更多  |  工具 帮助 |
|
1月31日 morroco-marrakech1月15日 冷熱1月25-28日我同老公、tammy、大小greg一起去摩洛哥呀~~~
好耐冇去d熱既地方啦，21度，非常好！！！
我呢度日日都係10度以下，雖然唔見有冰雪(十二月頭結冰，又有少少雪花，但一月冇了)，
但我覺得熱先係好既！熱既地方先至係我最愛既地方。
我出生係5月，是夏天，百花盛開，萬物興旺的季節。
如今卻要係呢個陰寒蕭條既地方居住，真係令到個人都蕭瑟晒，
怪唔得d英國人咁保守。
好耐之前，我睇《玻璃面具》呢本漫畫，入面主人翁上演的其中一套話劇《兩個公主》，
2位主角被逼係一個零下十幾度既冰庫練習，其中一個說出：冷，說不出的冷...冰劍刺向敵人...我是冬天的女兒...
跟著她們被放了出來，另一個說：笑容是我的武器，我是春天的女兒...
這裡的人都是冬天的女兒...這不是我的世界...我想回到春天的地方去... pullip veritas最近開始看Pullip公仔，原本是打算拍攝飾物照片時，
不用太單調，有個公仔做背景、或是做配角也可以。
我看中的是這個(F-581) Veritas型號的pullip，
漂亮而華麗的船長造型，像是去尋寶似的，跟我的飾物很合襯。
我想給她買一條白色的裙子，配襯不同的飾物，
發現公仔衣服比起真人的衣服還貴。
像我這樣，真人挑衣服是如此挑剔，
能看上眼的公仔衣服，每每過百元，還不包括鞋子。
這個公仔已是追幾百元，要是再加上衣服，恐怕會被老公罵得狗血淋頭。
買一個公仔真的不划算啊！ 12月4日 手指出血前天跟老公吵架，
說他這麼晚仍看電視，叫了他2次，他仍不回房睡覺，說：還有一點點而已。
一點點？我卻等了一個小時...
我很生氣地對他說：你跟電視終老吧！你床邊放一個電視，想X時就放X的，連老婆也不用要了。
他沒說甚麼，只是抱著我，我一口咬在手指，十分兇狠，簡直是想把他的手指咬斷，他卻沒說半句。
第二天，我見到他手指上的咬痕...被我咬出血來....
心痛得不得了，我不是想咬他咬成這樣子...也不是真的想離開他...
對不起，老公，對不起...
老公不作出痛的樣子，我也不知道他究竟有多痛...
我想，當時他的心一定比手指還痛，不然怎樣忍受呢？ 11月30日 近況今日見得閒少少，寫下近況啦.
我開始搵工啦，都係搵返d會計工，人工高d丫嘛
趁住呢排冇野做，打算搵d小生意做下，
不過我覺得呢度生意應該唔係幾好做，
VAT又高，又要收入口稅，第日如果有利潤，都唔跳要交幾多個%既入息稅...
冇計啦，英國太多懶人，唔懶果D只好辛苦D養埋佢地
感情方面，都係咁啦，2公婆...多多少少都會有D意見不合，
坐埋一齊傾，只要態度好D，應該冇咩問題...
鬼叫自己嫁左過黎咩，拖又唔拍多幾年，只好而家先學下點樣同佢相處囉。
11月10日 心情日記 有好久沒有寫日記...因為不知道寫甚麼好...日日都差不多... 近來一直在看碟...新雪山飛狐...情節有點跟書不一樣, 我記得書中是說胡斐沒有愛人...故事中卻有了... 苗若蘭好像沒有跟胡斐去藥王廟...=.= 最近一直有點不開心... 因為...我覺得2個人生活很麻煩..沒一起生活過, 突然要一起生活... 這跟我以往都不一樣... 我想, 我的將來會跟媽媽一樣...老公是不可靠的... 我爸給錢媽媽, 也像現在我這樣子, 爸爸從不多給...用得快了, 又會多問... 幸好我沒打算一生如此... 只要我有了工作, 管他媽的, 把儲起的錢轉回香港, 然後在香港買個房子, 只是我的名字的... 我覺得嫁給他, 很委屈...我管不了自己的老公... 很想問: 媽媽, 哥哥, 我該怎樣做, 才可以令他聽我的? 不過我已經嫁了, 一切也是天意, 只好來個啞子吃黃蓮... 10月31日 USA之旅 (2)(接前日記)
之前寫到我去左華盛頓過夜,
第2朝我地就去左參觀白宮、國會、林肯紀念碑、大自然博物館，
跟著我地就回去費地睇下姑姐, 跟著就返NEW YORK姑婆家.
9月12日我地就去左拜阿爺, 呢個都係我呢次去美國的主要目的.
姑姐佢地有黎, 不過車太遲, 我地等了很久, 下午點幾鐘先拜完...
9月13日我同老豆佢地就去左Alantic, 即係大西洋城(賭城).
第一次見到成千上萬既老虎機...=.=同埋有好多排九、poker、大小果d...
我覺得好悶, 一去到就同媽咪同埋阿嬸去行商場, 跟著去左阿嬸家.
佢果面d樓幾靚呀, 唔似new york咁爛...
跟著我就返去陪媽玩老虎機, 悶到我死...返到酒店房沖涼訓覺.
9月14, 我地又出去行左一陣, 跟著係賭場食埋野，佢地仲賭左一陣先走.
原來賭場為左吸引人黎, us$10元就有專車係紐約開出, 又送$30元籌碼, 又免費有得食...
好多阿婆阿公, 日日都去架, 一到左步就賣d籌碼比人, 自己又可以食返餐,
都賺到餐買餸錢, 哈哈.
夜晚我就去左百老匯大街、時代廣場果面,
幾靚呀, 我覺得熱鬧程度同香港銅鑼灣差唔多.
有m&m's專門店, 入面都幾多人...我後悔冇用1個quarter整d m&m's公仔錢出黎,
咁有紀念價值...算啦, 下次先.
9月15日, 我同表哥表嫂同表叔佢地一起去outlet,
我買左一條polo牛仔短褲, 計返港紙都係$130元左右, 算很平.
果度仲有ck, vivian westwood, timberland, 等等既大牌子,
不過我就冇點樣買啦, 因為我不嬲都唔係勁買野果d人...
9月16日就去了自由神像, 黎到呢度, 點可以唔去下自由女神像睇下呢
榮哥買了好多野比我地幾兄妹, 我都有拎返來英國.
火車站、移民島、自由神像...幾個名勝都睇了
跟著就睇d係紐約中心既地方：wall street, 同志街、唔記得左2棟咩野名既大廈, 其中一棟係c字頭既, 姊妹樓、等等
9月17日, 我地4圍行去親友家,又去發伯家, 又去宋伯家, 又去了富伯的店,
回程果陣肚餓, 去了m記食東西, 見到發伯既仔johnny、老婆同佢地3個d小朋友,
johnny話:呢度d麥當奴, d包都大隻d架!我係香港食, 食1個都唔夠飽.
佢果3個小朋友, 應該要叫我姑婆了. 他們冇時停的, 老二最搞笑, 又學大人食煙(拿chips當煙仔), 又走來走去.
最細果個就最嗲最得人錫, 最可愛. 老大就最肥最大舊.
3個野, 走來走去, 食餐飯都冇時停, 食食下自己行出門口都夠膽死, 佢媽咪真係辛苦囉...
9月18日, 我地同d親戚飲完茶就回香港. 坐了15小時飛機, 好辛苦呀! ~.~
多謝晒d親戚咁照顧, 多謝姑婆、宋伯、富伯特登飛返大陸飲我餐結婚酒, 多謝.
10月23日 賽車上個星期同fay去左參加佢公司的賽車活動,
睇fay玩得好開心, 我都睇得幾開心, 係吵左少少.
之後同佢班同事一齊去食印度餐, 幾好食啊.
佢班同事好多野講, 都幾好人...
想起上次我係fay的頸正中整了一個咖哩雞, 被他的同事說...
一定是被取笑了很久吧, 哈哈!
不要想歪, 我見他睡著, 有點無聊, 就弄了一個給他...哈哈... 9月28日擺酒日的情況寫返係擺酒果日o既日記先...
我27號果日就返左去大陸, 每人拎左2個大suitcase...
又要拜神, 又要沖look柚葉, 又要上頭, 又要食湯圓同雞脾...
跟著到左28號正日, 我6點起身等化妝師, 化完妝差不多9點了,
等新郎車...點知佢差唔多十一點先到, 因為整花車整遲左...無辦法啦...
玩新郎果度就只係做左百幾下掌上壓咋...=.=
拿拿聲斟茶, 跟著趕去茶樓...
我地d結婚相放唔到出黎, 因為冇燒定隻碟...算啦...反正都唔係好重要.
我同d姊妹一面迎賓, 一面談笑...
食飯前有d例牌入場儀式呀, kiss呀, 合巹交杯呀...咁樣囉...
d菜上左, 我食左2舊就要去換3, 跟著敬酒....
成40圍呀, 真係冇得食呀...
敬敬敬到最後d人都食完走晒, 我先有得食,
食完就同d親戚影相, 跟著就出發去廣州.
廣州擺4圍, 我同老公可以嘆d囉.
我地去到已經係6-7點了, 拿拿聲拜神斟茶, 跟著去酒樓,
補左妝就開始婚宴, 當然又係要做例牌野啦...
呢次可以食到最後先敬酒, 太好了.
我地都搞到成十一點幾先走得.
夜d仲同姊妹去消夜, 到2點幾先訓.........
呢次好辛苦呀...不過都係一次o者...
多謝咁多位兄弟姊妹, 你地實在太好人了...辛苦晒! 10月17日 Singapore 2007病好了, 日記再寫過去的旅程
先寫星加坡23-26/9/2007.
第一天我們一到步, 表舅父及DARRAN便帶我們一行4人去了Long Beach及大排檔吃地道美食.
long beach很大, 有一個水上活動池, 也有很多pub跟海鮮食肆.
當晚我們去了近文華酒店及海皮之大排檔, 相信那是星加坡最好吃的大排檔了.
我們吃串燒, 喇沙, 羊肉湯, 辣魚, 星加坡炒麵等等等等, 吃得我們很飽.
跟著我們四處走了一下, 就回去姑婆家休息.
第二天我們去了聖淘沙, 像是海洋公園一樣的遊玩地方.
當然比海洋公園小很多.
第三天我們四處走走, 坐小船遊星加坡,
又走到各商場閒逛.
第四天就乘早機回香港了.
星加坡太熱, 長年27-36度左右, 我們也因為太熱, 沒心機走動,
在冷氣地方留連, 大吃思樂冰.
感謝姑婆, 丈公, Darren, 表舅父, 2位表姨的招待. 9月21日 驚人發現!!!!今天我問媽媽, 她說富伯跟發伯跟我是同輩.............
他們比我老豆仲老, 兒子也比我大, 但竟然係我既哥哥...........
怪不得我是別人的表姑婆, 他們的孫子叫我的確是表姑婆.........
!!!!!!!!!!!!!!!!!!!!!!!!!!!!!
我今天才知道, 自己的輩份也不小............. USA之遊(1) 我跟爸,媽,伯, 伯娘5個人一起到美國,
一方面是探親, 一方面是觀光.
9月8日早上出發, 9月8日下午到美國, 坐了15小時直航飛機.
晚上表伯娘煮飯給我們吃,
我一吃完就去睡了, 因時差關係, 我們整行人也很累.
9月9日一早, 因為時差, 大家都醒了, 便在附近散步.途中見到了表伯娘(富妻).
跟著去了飲茶, 到了有名的小唐人街第8大道(8 Avenue),
同行者(除了我們5人外):
姑婆, 3位伯伯(發,富,宋), 3位伯娘(發妻,明妻,宋妻), 輝表哥跟太太,我的姪女及姪孫
我的姪女及姪孫沒有在飲茶之席, 因為他們要去吃湯麵.
我第一次見我的姪女及姪孫, 做了別人的表姑姐跟表姑婆...
幸好是表,不是老...哈哈....
跟著我,媽,伯娘,輝哥太太4人去了pier 17走走, 風景不錯,
可以看到brooklyn bridge跟manhatten bridge.
跟著走了到市中心, 看了姊妹樓, 政府各個部門大樓, 已倒塌世貿之地方看,
一直走到了全美國最大的唐人街,人山人海, 唐人特多, 地方污糟,很像回了大陸.
也看到了小意大利街(其實是猶太街吧...)...
跟著晚上去第8大道吃飯.
9月10日, 我們一行人出發去華盛頓, 同行者有:我, 媽, 爸, 榮哥,伯娘,3伯伯(明,文力,強)
當天的路程太遠, 到了中午才到達.
我覺得那麼的樓很高, 門面又廣, 一個鏡頭拍不了整座大樓,
所以我把這些建築物拍成mpeg, 以茲紀念.
我第一所參觀的, 是印銀紙大樓.
跟著走馬看花地看了很多museum的門面.
第2所走進去的是nasm(national air & space museum)
內裡滿是已退役的飛機,火箭及人造衛星,也有炸彈, 以及有空軍海中基地的模型
我也看了一看太空艙的內部, 很小...
晚上爸說要買鞋, 所以我可以一窺華盛頓的市中心.
這天的中午及晚飯都在華盛頓的唐人街(富記)吃...
當天在華盛頓過夜.
(待續)
9月5日 今天晚上討論的問題很慶幸自己介紹angel給ming認識.
我記得以前教會聽到一句話:
種子撒在人心, 等待發芽成長...無論是故意或無意, 人所做的事, 神已在其中, 是會成其美.
我認識ming, 介紹angel給ming認識, 以致ming撥開雲霧決志信主....
我相信這一切都是神, 感覺很奇妙.
以前總是有意叫人信主, 去傳道; 現在沒有叫人信主, 卻間接令他人得救.
何時我才信主呢? 冥冥中自有主宰.
今天跟他們2人討論買樓問題...
首期當然是大問題, 但長遠來說, 我認為我自己是能夠負擔的.
因為我有老公, 失業了也有老公照顧, 而且我相信只要努力, 一定會有穩定收入.
買樓是長遠的投資, 當然我會在預計承擔得起時才買, 起碼1-2年後吧.
現在只好慢慢儲錢, 我還沒有考慮過買投票, 因為現在首要的是找工作, 買樓投資只是個藍圖.
很開心大家也會有這個買樓的想法.
買樓是投資, 沒錢供是可以賣的. 當然我說的這種投資, 是留意經濟狀況, 再入市.
在英國, 不少人買了樓再租給他人住, 租金比付按揭還要高出很多!
也有一種半賣半租的半業主. 這情況會令我更容易達成目標.
我在老公家...住的屋是fay跟奶奶的名子...畢竟自己沒份...
因此我一定要有自己的樓, 這樣才算是真正的落地生根...
|
|
|
