個人檔案小貓子日記相片部落格清單更多  |  工具 說明 |
|
4月1日 Canel遊英國河道是出晒名的，
早幾日同老公去行屋企附近的河道...去餵鴨，去睇馬...
老公：英國河道係主要運輸交通黎架...早係一百年前....(下刪一百字)
我：咁我地搵日坐船玩下啦
老公：好呀，去邊？
我：度度都去到架嘛，咁去liverpool(利物浦)啦...
老公：坐3個月左右咪去到囉...
我係餵鴨的時候，有另一班鴨飛來爭食...
我餵晒之後...仲有一d鴨從後跟來...啄啄我同老公鞋邊...
鴨：(比d野我食啦...我好肚餓呀...)
我：老公，乞衣鴨呀...乞食呀...
跟著去左睇馬
我摘花餵佢地...唔小心放左隻手入去佢地個咀...哈哈~好在佢地冇用牙~^^
旁邊的欄杆有好多馬毛，馬仔因為自己R唔到，所以要靠欄杆...真慘...
跟著就睇下英國景色
唔錯呱？ 3月12日 嬲嬲地有時同奶奶討論問題，唔知點解佢講講下會咁大聲，好乞人憎...
老豆話我遲早會同奶奶嘈...我諗我唔搬的話，呢件事有90%會發生...
好想搬出去...睇黎我是時間搬返d資產返香港... 珍惜有一句話，之前同朋友講過，
亦必須要時時提醒自己：
最愛的，不是嫁的；嫁的，不是最愛的。
這是因為：得不到的，是最好的。
那，為什麼不好好珍惜現在這個呢？ I am Legend早幾天睇了I am Legend.
劇情有點像Residental Evil，只是主角表現很細膩，尤其是他把感染了病毒的唯一的朋友殺死(狗狗)...仲有殺死了狗狗後，寂寞得跟公仔說話，甚至想自殺...很生動，像真一樣...will smith表演得太好了 3月4日 失望有好多事總是事與願遺...
事情是這樣的...
有些朋友知道，我開始從事飾物買賣，因為有一對耳環品質不佳而斷了耳針，打算讓老公返公司做一個小手術...
我是明明的、再三的察看是否有斷了的耳針在包裝袋內...結果今天老公卻說不見了...
這耳環不能用問號型或其他易扣的耳針代替...而我手上也沒有這種耳針呀！(誰會有呢？我又不是製造商...)
衰d諗，不如用釘書釘...可是會生鏽，而且好可能會令耳仔敏感，有礙公司聲譽...
我家共有三個人，我跟老公都沒有開過的話，那是誰弄不見了耳針呢？是不是我應該事先叫他不要碰，才不會弄成今天這樣子呢？
我對自己好失望...  2月25日 婚姻結左婚都有大半年。
我覺得婚姻係唔可靠...
有時真係好想離婚，好想一走了之，好想永遠離開呢度...
我有一個愛自己、而又自己唔係咁愛既丈夫...(係佢令我唔係咁愛佢的...)
呢個算係幸福？算係悲哀？
算啦...人生都係幾十年，過左呢世，下世可能會好d呢... 1月31日 morroco-marrakech1月15日 冷熱1月25-28日我同老公、tammy、大小greg一起去摩洛哥呀~~~
好耐冇去d熱既地方啦，21度，非常好！！！
我呢度日日都係10度以下，雖然唔見有冰雪(十二月頭結冰，又有少少雪花，但一月冇了)，
但我覺得熱先係好既！熱既地方先至係我最愛既地方。
我出生係5月，是夏天，百花盛開，萬物興旺的季節。
如今卻要係呢個陰寒蕭條既地方居住，真係令到個人都蕭瑟晒，
怪唔得d英國人咁保守。
好耐之前，我睇《玻璃面具》呢本漫畫，入面主人翁上演的其中一套話劇《兩個公主》，
2位主角被逼係一個零下十幾度既冰庫練習，其中一個說出：冷，說不出的冷...冰劍刺向敵人...我是冬天的女兒...
跟著她們被放了出來，另一個說：笑容是我的武器，我是春天的女兒...
這裡的人都是冬天的女兒...這不是我的世界...我想回到春天的地方去... pullip veritas最近開始看Pullip公仔，原本是打算拍攝飾物照片時，
不用太單調，有個公仔做背景、或是做配角也可以。
我看中的是這個(F-581) Veritas型號的pullip，
漂亮而華麗的船長造型，像是去尋寶似的，跟我的飾物很合襯。
我想給她買一條白色的裙子，配襯不同的飾物，
發現公仔衣服比起真人的衣服還貴。
像我這樣，真人挑衣服是如此挑剔，
能看上眼的公仔衣服，每每過百元，還不包括鞋子。
這個公仔已是追幾百元，要是再加上衣服，恐怕會被老公罵得狗血淋頭。
買一個公仔真的不划算啊！ 12月4日 手指出血前天跟老公吵架，
說他這麼晚仍看電視，叫了他2次，他仍不回房睡覺，說：還有一點點而已。
一點點？我卻等了一個小時...
我很生氣地對他說：你跟電視終老吧！你床邊放一個電視，想X時就放X的，連老婆也不用要了。
他沒說甚麼，只是抱著我，我一口咬在手指，十分兇狠，簡直是想把他的手指咬斷，他卻沒說半句。
第二天，我見到他手指上的咬痕...被我咬出血來....
心痛得不得了，我不是想咬他咬成這樣子...也不是真的想離開他...
對不起，老公，對不起...
老公不作出痛的樣子，我也不知道他究竟有多痛...
我想，當時他的心一定比手指還痛，不然怎樣忍受呢？ 11月30日 近況今日見得閒少少，寫下近況啦.
我開始搵工啦，都係搵返d會計工，人工高d丫嘛
趁住呢排冇野做，打算搵d小生意做下，
不過我覺得呢度生意應該唔係幾好做，
VAT又高，又要收入口稅，第日如果有利潤，都唔跳要交幾多個%既入息稅...
冇計啦，英國太多懶人，唔懶果D只好辛苦D養埋佢地
感情方面，都係咁啦，2公婆...多多少少都會有D意見不合，
坐埋一齊傾，只要態度好D，應該冇咩問題...
鬼叫自己嫁左過黎咩，拖又唔拍多幾年，只好而家先學下點樣同佢相處囉。
11月10日 心情日記 有好久沒有寫日記...因為不知道寫甚麼好...日日都差不多... 近來一直在看碟...新雪山飛狐...情節有點跟書不一樣, 我記得書中是說胡斐沒有愛人...故事中卻有了... 苗若蘭好像沒有跟胡斐去藥王廟...=.= 最近一直有點不開心... 因為...我覺得2個人生活很麻煩..沒一起生活過, 突然要一起生活... 這跟我以往都不一樣... 我想, 我的將來會跟媽媽一樣...老公是不可靠的... 我爸給錢媽媽, 也像現在我這樣子, 爸爸從不多給...用得快了, 又會多問... 幸好我沒打算一生如此... 只要我有了工作, 管他媽的, 把儲起的錢轉回香港, 然後在香港買個房子, 只是我的名字的... 我覺得嫁給他, 很委屈...我管不了自己的老公... 很想問: 媽媽, 哥哥, 我該怎樣做, 才可以令他聽我的? 不過我已經嫁了, 一切也是天意, 只好來個啞子吃黃蓮... 10月31日 USA之旅 (2)(接前日記)
之前寫到我去左華盛頓過夜,
第2朝我地就去左參觀白宮、國會、林肯紀念碑、大自然博物館，
跟著我地就回去費地睇下姑姐, 跟著就返NEW YORK姑婆家.
9月12日我地就去左拜阿爺, 呢個都係我呢次去美國的主要目的.
姑姐佢地有黎, 不過車太遲, 我地等了很久, 下午點幾鐘先拜完...
9月13日我同老豆佢地就去左Alantic, 即係大西洋城(賭城).
第一次見到成千上萬既老虎機...=.=同埋有好多排九、poker、大小果d...
我覺得好悶, 一去到就同媽咪同埋阿嬸去行商場, 跟著去左阿嬸家.
佢果面d樓幾靚呀, 唔似new york咁爛...
跟著我就返去陪媽玩老虎機, 悶到我死...返到酒店房沖涼訓覺.
9月14, 我地又出去行左一陣, 跟著係賭場食埋野，佢地仲賭左一陣先走.
原來賭場為左吸引人黎, us$10元就有專車係紐約開出, 又送$30元籌碼, 又免費有得食...
好多阿婆阿公, 日日都去架, 一到左步就賣d籌碼比人, 自己又可以食返餐,
都賺到餐買餸錢, 哈哈.
夜晚我就去左百老匯大街、時代廣場果面,
幾靚呀, 我覺得熱鬧程度同香港銅鑼灣差唔多.
有m&m's專門店, 入面都幾多人...我後悔冇用1個quarter整d m&m's公仔錢出黎,
咁有紀念價值...算啦, 下次先.
9月15日, 我同表哥表嫂同表叔佢地一起去outlet,
我買左一條polo牛仔短褲, 計返港紙都係$130元左右, 算很平.
果度仲有ck, vivian westwood, timberland, 等等既大牌子,
不過我就冇點樣買啦, 因為我不嬲都唔係勁買野果d人...
9月16日就去了自由神像, 黎到呢度, 點可以唔去下自由女神像睇下呢
榮哥買了好多野比我地幾兄妹, 我都有拎返來英國.
火車站、移民島、自由神像...幾個名勝都睇了
跟著就睇d係紐約中心既地方：wall street, 同志街、唔記得左2棟咩野名既大廈, 其中一棟係c字頭既, 姊妹樓、等等
9月17日, 我地4圍行去親友家,又去發伯家, 又去宋伯家, 又去了富伯的店,
回程果陣肚餓, 去了m記食東西, 見到發伯既仔johnny、老婆同佢地3個d小朋友,
johnny話:呢度d麥當奴, d包都大隻d架!我係香港食, 食1個都唔夠飽.
佢果3個小朋友, 應該要叫我姑婆了. 他們冇時停的, 老二最搞笑, 又學大人食煙(拿chips當煙仔), 又走來走去.
最細果個就最嗲最得人錫, 最可愛. 老大就最肥最大舊.
3個野, 走來走去, 食餐飯都冇時停, 食食下自己行出門口都夠膽死, 佢媽咪真係辛苦囉...
9月18日, 我地同d親戚飲完茶就回香港. 坐了15小時飛機, 好辛苦呀! ~.~
多謝晒d親戚咁照顧, 多謝姑婆、宋伯、富伯特登飛返大陸飲我餐結婚酒, 多謝.
10月23日 賽車上個星期同fay去左參加佢公司的賽車活動,
睇fay玩得好開心, 我都睇得幾開心, 係吵左少少.
之後同佢班同事一齊去食印度餐, 幾好食啊.
佢班同事好多野講, 都幾好人...
想起上次我係fay的頸正中整了一個咖哩雞, 被他的同事說...
一定是被取笑了很久吧, 哈哈!
不要想歪, 我見他睡著, 有點無聊, 就弄了一個給他...哈哈... 9月28日擺酒日的情況寫返係擺酒果日o既日記先...
我27號果日就返左去大陸, 每人拎左2個大suitcase...
又要拜神, 又要沖look柚葉, 又要上頭, 又要食湯圓同雞脾...
跟著到左28號正日, 我6點起身等化妝師, 化完妝差不多9點了,
等新郎車...點知佢差唔多十一點先到, 因為整花車整遲左...無辦法啦...
玩新郎果度就只係做左百幾下掌上壓咋...=.=
拿拿聲斟茶, 跟著趕去茶樓...
我地d結婚相放唔到出黎, 因為冇燒定隻碟...算啦...反正都唔係好重要.
我同d姊妹一面迎賓, 一面談笑...
食飯前有d例牌入場儀式呀, kiss呀, 合巹交杯呀...咁樣囉...
d菜上左, 我食左2舊就要去換3, 跟著敬酒....
成40圍呀, 真係冇得食呀...
敬敬敬到最後d人都食完走晒, 我先有得食,
食完就同d親戚影相, 跟著就出發去廣州.
廣州擺4圍, 我同老公可以嘆d囉.
我地去到已經係6-7點了, 拿拿聲拜神斟茶, 跟著去酒樓,
補左妝就開始婚宴, 當然又係要做例牌野啦...
呢次可以食到最後先敬酒, 太好了.
我地都搞到成十一點幾先走得.
夜d仲同姊妹去消夜, 到2點幾先訓.........
呢次好辛苦呀...不過都係一次o者...
多謝咁多位兄弟姊妹, 你地實在太好人了...辛苦晒! 10月17日 Singapore 2007病好了, 日記再寫過去的旅程
先寫星加坡23-26/9/2007.
第一天我們一到步, 表舅父及DARRAN便帶我們一行4人去了Long Beach及大排檔吃地道美食.
long beach很大, 有一個水上活動池, 也有很多pub跟海鮮食肆.
當晚我們去了近文華酒店及海皮之大排檔, 相信那是星加坡最好吃的大排檔了.
我們吃串燒, 喇沙, 羊肉湯, 辣魚, 星加坡炒麵等等等等, 吃得我們很飽.
跟著我們四處走了一下, 就回去姑婆家休息.
第二天我們去了聖淘沙, 像是海洋公園一樣的遊玩地方.
當然比海洋公園小很多.
第三天我們四處走走, 坐小船遊星加坡,
又走到各商場閒逛.
第四天就乘早機回香港了.
星加坡太熱, 長年27-36度左右, 我們也因為太熱, 沒心機走動,
在冷氣地方留連, 大吃思樂冰.
感謝姑婆, 丈公, Darren, 表舅父, 2位表姨的招待. |
|
|
